2023 ОНЫ 6 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 06-р сарын 11-нээс 2023 оны 06-р сарын 20-ны өдрийг хүртэл /

Температур: Агаарын дундаж температур нийт нутгаар 22.8-26.7 градус дулаан /1 дүгээр зураг/, олон жилийн дундажтай харьцуулбал нийт нутгаар дунджаас 3.2-5.1 градусаар дулаан байлаа. /2 дугаар зураг / Үнэмлэхүй их температур өдөртөө Замын-Үүд, Эрдэнэ, Улаанбадрах сумдын нутгаар 38 градус дулаан, үнэмлэхүй бага температур шөнөдөө Замын-Үүд, Иххэт сумдад 11 градус дулаан байв. Хөрсний гадаргын дундаж температур нийт нутгаар 29-35 градус дулаан, үнэмлэхүй их температур өдөртөө Улаанбадрах  суманд 67 градус дулаан, үнэмлэхүй бага температур шөнөдөө Замын-Үүд суманд 8 градус дулаан байлаа.

Хур тунадас: Энэ 10 хоногт Иххэт суманд 36.7 мм, Эрдэнэ суманд 15.1 мм, Улаанбадрах суманд 15.,0 мм, Айраг суманд 13.7 мм, Мандах суманд 12.7 мм, Сайхандулаан суманд 8.0 мм, Өргөн суманд 8.3 мм, Сайншанд суманд 7.9 мм, Замын-Үүд суманд 5.4 мм, Алтанширээ суманд 3.0 мм, Хөвсгөл сумдад 1.4 мм, Дэлгэрэх сумдад 0.8 мм бороо, аадар бороо орлоо / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Замын-Үүд, Хөвсгөл, Дэлгэрэх, Алтанширээ сумдын нутгаар дунджаас бага, бусад нутгаар дунджаас ахиу байлаа. / 4 дүгээр зураг /

Салхи: 10 хоногт салхины хамгийн их хурд Сайншанд, Айраг сумдад 20м/с, бусад сумдын нутгаар 10-19м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 2-7 өдөр байв.

Бэлчээрийн ургамал: 6 дугаар сарын 19-ны байдлаар бэлчээрийн ургамлын дундаж өндөр цухулйт эхэлсэн сумдад 1-5 см байлаа. Хөвсгөл суманд бэлчээрийн ургамал цухуйлт байна, бусад сумдын нутгаар бэлчээрийн ургамал таана, хялгана, хазаар, агь цухуйсан байна

МАА-н үйлдвэрлэлд:  Мал нэмэгдэл тэжээл өгөх, тарилга хийх, туулга өгөх, мал төллүүлэх, мал оторлох ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.